دبئی(پاکستان پوائنٹ نیوز14۔ستمبر۔2018ء) پاکستانی بلے باز و انضمام الحق دے بھانجے امام الحق نے سون دی روٹین بارے بھارتی پرچا کار نوں کرارا جواب دے دتا، پرچاکار وی شرم نال پانی پانی ہو گیا۔ تفصیل مطابق پاکستانی ٹیم ایس ویلے متحدہ عرب امارات و چ اے، جتھے اوہ کل توں شروع ہون والے ایشیاء کپ وچ رلت کرے گی۔ ایس دوران پاکستانی بلے باز تے لیجنڈری سابق کرکٹر انضمام الحق دے بھانجے دا اک بیان ساہمنے آیا اے۔
امام الحق میڈیا نال گل بات کررہے سن کہ اک بھارتی پرچا کار نے شرارتی انداز وچ سوال کیتا کہ تہاڈی سون دی روٹین وی اپنے ماموں وانگ اے، کیونکہ اسیں ایہو ویکھیا اے کہ اوہ بہت سُوندے سن۔ ایس سوال اُتے امام الحق نے جواب دیندے ہوئے پُچھیا کہ میرے ماموں دے سون دی روٹین تہانوں کیویں پتا اے، کیہ تُسیں میرے ماموں نال سُتے او؟امام الحق دے جواب نے بھارتی پرچاکار نوں پانی پانی کر دتا۔
