سابق بھارتی کرکٹر نوجوت سنگھ سدھو نوں پاکستان آن دی اجازت مل گئی

سابق بھارتی کرکٹر نوجوت سنگھ سدھو نوں پاکستان آن دی اجازت مل گئی

نویں دِلی(پاکستان پوائنٹ نیوز15۔اگست۔2018ء) بھارتی حکومت نے نوجوت سنگھ سدھو نوں پاکستان آن دی اجازت دے دتی۔ نوجوت سنگھ سدھو17اگست نوں واہگہ دے راہ توں پاکستان آن گے۔تفصیل مطابق بھارتی حکومت نے نوجوت سنگھ سدھو نوں پاکستان آن دی اجازت دے دتی۔ نوجوت سنگھ سدھو17اگست نوں واہگہ دے راہ توں پاکستان آن گے۔ اوہ 18اگست نوں عمران خان دی تقریب حلف برداری وچ رلت کرن گے۔

سدھو نوں 13اگست نوں پاکستان دا ویزا جاری کیتا گیا سی۔ سدھو دا کہنا سی کہ اوہناں دا دورہ پاکستان بھارتی حکومت دی اجازت نال مشروط اے۔ عمران خان دی حلف برداری وچ رلت دی دعوت ملنا اعزاز دی گل اے تے ایہ کوئی نِکا معاملا نہیں۔ ایس توں وکھ عمران خان ولوں سابق بھارتی کپتان سنیل گواسکر و کپل دیو نوں وی پاکستان آن دی دعوت دتی گئی سی۔ سنیل گواسکر نے انگلینڈ وچ کمنٹری وچ رُجھے ہون دی وجہ توں پاکستان آن توں معذرت کیتی۔چیتے رہوے کہ عمران خان نے 1992دا ورلڈ کپ جتن والی پاکستانی کرکٹ ٹیم نوں وی تقریب حلف برداری وچ رلت دا دعوت نامہ گھلیا اے۔