لاہور(پاکستان پوائنٹ نیوز27۔اپریل2018ء) پاکستان چیمپئنز ٹرافی دا زندگی بھر لئی فاتح بن گیا اے۔ تفصیل مطابق آئی سی سی نے چیمپئنز ٹرافی ٹورنامنٹ نوں پچھلے دیہاڑے ہون والے اجلاس دوران ختم کرن دا اعلان کر دتا سی۔ چیمپئنز ٹرافی دا اگلا ایڈیشن 2021وچ ہونا سی۔ پر آئی سی سی نے سارے کرکٹ بورڈز دی سانجھ نال چیمپئنز ٹرافی دی تھاں ٹی 20ورلڈ کپ کروان دا فیصلا کیتا اے۔
ایس فیصلے مگروں 2021وچ بھارت چیمپئنز ٹرافی دی بجائے ٹی ٹونٹی ورلڈ کپ دی مجمانی کرے گا ۔دوجے پاسے آئی سی سی دا ایہ فیصلا پاکستان لئی چنگا ثابت ہویا اے۔ آئی سی سی دے ایس فیصلے دی وجہ توں پاکستان زندگی بھر لئی فاتح بن گیا اے۔ کیونکہ چیمپئنز ٹرافی دا آخری ایڈیشن پاکستان نے جِتیا سی تے ہن ایہ ٹورنامنٹ نہیں ہوئے گا۔
