لاہور(پاکستان پوائنٹ نیوز26۔اپریل2018ء) پاکستانی آل راؤنڈر شعیب ملک تے بھارتی ٹینس سٹار ثانیہ مرزا نے دنیا نوں ’نِکے پروہنے‘ دی آمد دی خبر سُنائی تے ہر پاسیوں مبارکاں ملن دا سلسلا شروع ہو گیا۔ کئی لوکاں وانگ شاداب خان نے وی شعیب ملک تے ثانیہ مرزا نوں مبارکباد دتی پر اوہناں نے خا ب وچ وی نہیں سوچیا سی کہ اوہناں نوں ثانیہ مرزا ولوں زور دار ’چھکا‘ پئے گا۔ شاداب خان نے ٹویٹر اُتے جاری اپنے پیغام وچ لکھیا ’شعیب بھائی تے ثانیہ بھابی نوں بہت بہت مبارکباد، اللہ کرے کہ ’مرزا ملک‘ ساڈے خطے لئی امن دی علامت بنے‘
شاداب خان دا ایہ پیغام ساہمنے آؤندے ای ثانیہ مرزا نے جواب وچ ٹویٹ کردے ہوئے لکھیا ’بہت بہت شکریہ شاداب، ہن یقینن موٹر سائیکل اُتے ہور کسے دے بیٹھن دی گنجائش نہیں ہوئے گی‘۔ثانیہ مرزا دے ایس جواب اُتے سوشل میڈیا ورتیندڑاں نے ہسدے ہوئے کئی قسم دے تبصرے شروع کر دتے۔
