لاہور(پاکستان پوائنٹ نیوز21۔اپریل2018ء) انگلینڈ دے دورے توں پہلاں قومی ٹیم نوں وڈا جھٹکا ، سٹار باؤلر محمد عامر زخمی ہو گیا۔ تفصیل مطابق ٹریننگ دے تیجے دیہاڑے لاہور وچ بدل چھائے رہے تے ہوا چلن دی وجہ توں موسم سوہنا ہو گیا۔ کھڈاریاں نے فزیکل ٹریننگ دے بعد فیلڈنگ پریکٹس کیتی، کپتان سرفراز نے تیز ہواواں وچ کیچنگ پریکٹس کیتی۔ میدان دوالے تیز ہواواں چلن نال باؤلرز دی لائن اینڈ لینتھ وی متاثر ہوئی جدکہ بیسٹمین سٹروک کھیڈن وچ اوکڑاں محسوس کردے رہے۔ چیتے رہوے کہ قومی ٹیم 22اپریل دی رات انگلینڈ جائے گی ۔ گرین کیپس آئرلینڈ خلاف اک جدکہ انگلینڈ خلاف دو ٹیسٹ میچ کھیڈے گی۔
انگلینڈ دے دورے توں پہلاں قومی ٹیم نوں وڈا جھٹکا ، سٹار باؤلر زخمی ہو گیا
6 سال پچھے
