نہ تحریک انصاف نہ ای (ن) لیگ، شاہد آفریدی نے اپنی پسند دی سیاسی جماعت دا ناں دس دتا

تھر(پاکستان پوائنٹ نیوز11۔اپریل2018ء) شاہد آفریدی نے اپنی پسندیدہ سیاسی جماعت دا ناں دس دتا اے۔ تفصیل مطابق مشہور قومی آل راؤنڈر کرکٹر شاہد آفریدی نے تھر وچ ہسپتال بنان لئی امدادی چیک سندھ حکومت دے حوالے کر دتا۔ ایس مقصد لئی تھر وچ اُچیچی تقریب ہوئی ۔ تقریب وچ پیپلز پارٹی دے چیئرمین بلاول بھٹو نے وی رلت کیتی۔ ایس موقعے تے شاہد آفریدی دا کہنا سی کہ اوہناں دے دل وچ شہید بے نظیر بھٹو لئی بہت عزت اے۔ اوہناں نے بے نظیر بھٹو ورگی بہادر سوانی نہیں ویکھی۔ ایس موقعے تے شاہد آفریدی نے ہور آکھیا کہ پیپلز پارٹی اوہناں دی اپنی پارٹی اے۔