کوئٹہ:6ورھیاں دے لیگ سپن باؤلر نے کوہلی تے شین وارن نوں وی دیوانہ بنا لیا

کوئٹہ(پاکستان پوائنٹ نیوز23۔مارچ2018ء) 6ورھیاں دے لیگ سپن باؤلر نے کوہلی تے شین وارن نوں وی حیران کر دتا اے۔ چھ ورھیاں دے ایلی میکائیل نے کُجھ مہینے پہلے ای پنج وکھو وکھ اندا ز وچ لیگ بریک باؤلنگ دا آرٹ سِکھ کے سبھ نوں حیران کر دتا۔ تیجی جماعت دے پڑھیار دی ویڈیو سوشل میڈیا اُتے وائرل ہوئی تے لیگ سپن دے بادشاہ شین وارن تے رنز مشین ویرات کوہلی وی تعریف کیتے بنا نہ رہ سکے۔ انٹرنیشنل سٹار کرکٹرز دیاں تعریفاں سُن کے نِکے کھڈاری نے وی نِکی عمرے ای وڈے خاب ویکھنے شروع کر دتے نیں تے روز دو توں تن گھنٹے اپنے والد اوکزنز نال گھر باؤلنگ دی پریکٹس کردا اے۔ والد دا کہنا اے کہ ایلی دیاں صلاحتاں نوں ہور نکھارن لئی پروفیشنل کوچاں دی ضرورت اے۔