پی ایس ایل پلے آف میچز:قذافی سٹیڈیم نیڑے موجود تعلیمی ادارے 2دن لئی بند

لاہور(پاکستان پوائنٹ نیوز19۔مارچ2018ء) پاکستان سپر لیگ دے پلے آف میچاں دی وجہ توں سٹیڈیم نیڑے موجود تعلیمی ادارے منگل تے بُدھ نوں بند رہن گے، تعلیمی ادارے بند کرن اُتے بالاں دے ماں پیو ولوں احتجاج کیتا گیا اے۔ دسیا گیا اے کہ اج وی تعلیمی اداریاں وچ 11وجے چھٹی دے دتی گئی ۔ نجی تعلیمی ادارے منگل تے بدھ نوں بند رہن گے جدکہ سرکاری تعلیمی اداریاں وچ 11وجے چھٹی دے دتی جائے گی۔ ایس توں وکھ قذافی سٹیڈیم نیڑے موجود گورنمنٹ بوائز کالج وچ 9ویں جماعت دے پڑھیاراں لئی بنائے گئے امتحانی سنٹر نوں وی بدل دتا گیا اے تے ہن پڑھیار لارنس روڈ اُتے موجود بورڈ دے امتحانی سنٹر وچ 21مارچ نوں پرچہ دین گے۔ دوجے پاسے بالاں دا امتحانی سنٹر بدلے جان اُتے بالاں دے ماں پیو نے احتجاج کیتا۔