ملتان(پاکستان پوائنٹ نیوز12۔فروری2018ء) قومی کھڈاری صہیب مقصود نے زندگی دی نویں اننگز شروع کر دتی، 13فروری نوں جنج لے کے گھر والی لین جان گے، ویلنٹائن ڈے اُتے ولیمہ تے ہنی مون پی ایس ایل دوران منان گے۔ تفصیل مطابق گرین شرٹس لئی 26ون ڈے تے 20ٹی ٹونٹی میچ کھیڈن والے کرکٹر صہیب مقصود نے ہن نویں اننگز شروع کر ن دیاں تیاریاں کر لئیاں نیں۔ ملتان توں تعلق رکھن والے بلے باز نے پچھلے دیہاڑے اپنے نکاح دیاں تصویراں سوشل میڈیا اُتے شیئر کیتیاں۔
قومی کھڈاری کل رحیم یار خان توں تعلق رکھن والی ہیرا کنول دے گھر جنج لے کے جان گے تے ولیمہ ویلنٹائن ڈے نوں ہوئے گا۔ مہیب مقصو دا کہنا اے کہ اوہ اپنا ہنی مون پی ایس ایل دوران یوا ے ای وچ ای منان گے کیونکہ اوہناں دا اصل فوکس پی ایس ایل ہوئے گا۔ چیتے رہوے کہ صہیب مقصود دا رشتہ اوہناں دے گھر والیاں نے طے کیتا تے ایہ اوہناں دی ارینج میرج ہوئے گی۔
