سنچورین(پاکستان پوائنٹ نیوز15۔جنوری2018ء) بھارتی ٹیم دے کپتان ویرات کوہلی نے سنچ ٹنڈولکر دا 21سال پہلے بنایا گیا ریکارڈ برابر کر دتا اے۔ 29ورھیاں دے ویرات کوہلی نے جنوبی افریقہ خلاف دوجے ٹیسٹ دے تیجے دیہاڑے اپنے ٹیسٹ کیریئر دی 21ویں تے جنوبی افریقہ خلاف اوہناں دے ہوم گراؤنڈاُتے دوجی سنچری بنائی۔ کوہلی ہن بھارت لئی زیادہ سنچریاں سکور کرن والے کھڈاریاں دی لسٹ وچ 6ویں نمبر اُتے آ گئے نیں۔
ایس لسٹ وچ پہلا نمبر سچن ٹنڈولکر (51)دوجا راہول ڈریوڈ(36)تیجاسنتیل گواسکر(34)چوتھا وریندر سہواگ (23)تے5واں نمبر محمد اظہر الدین(22)دا اے۔ کوہلی بطور کپتان جنوبی افریقہ وچ سنچری سکور کرن والے دوجے بھارتی بلے باز نیں۔ ایس توں پہلاں سچن ٹنڈولکر نے آخری وار 1997وچ پروٹیز دے دیس وچ بطور قائد سنچری سکور کیتا سی۔
