نیوزی لینڈ خلاف تیجے ون ڈے میچ توں پہلاں قومی ٹیم نوں وڈی خشخبری مل گئی

ڈیونیڈن(پاکستان پوائنٹ نیوز11۔جنوری2018ء) نیوزی لینڈ خلاف تیجے ون ڈے میچ توں پہلاں قومی ٹیم نوں وڈی خشخبری مل گئی اے۔ تفصیل مطابق پاکستان و نیوزی لینڈ وچکار 5ون ڈے میچاں دی سیریز دا تیجا میچ ہفتے نوں کھیڈیا جائے گا جہدے لئی پاکستانی ٹیم نے ڈیونیڈن وچ تیاریاں شروع کر دتیاں نیں۔ انجری کارن دوجے ون ڈے توں باہر ہون والے اوپننگ بلے باز فخر زمان نے وی ٹریننگ وچ حصہ لیا۔

ٹیم دے فزیو تھراپسٹ ویب سنگھ نے آکھیاکہ فخر زمان دی انجری بہت بہتر ہو گئی اے۔ اوہناں نے دوڑنا وی شروع کر دتا اے۔ امید اے کہ اوہ تیجے ون ڈے لئی ٹیم دا حصہ ہون گے۔ یاد رہوے کہ پاکستان تے نیوزی لینڈ وچکار 5ون ڈے میچاں دی سیریز دا تیجا مقابلا ہفتے نوں ڈیونیڈن وچ کھیڈیا جائے گا، گرین شرٹس نوں سریز وچ واپسی لئی ایہ مقابلا ہر حال وچ جِتنا پئے گا۔