ڈھاکا(پاکستان پوائنٹ نیوز13۔دسمبر2017ء) پریکٹس دوران محمد عامر تے بنگالی کرکٹر دی لڑائی ہو گئی اے۔ بنگلا دیش لیگ ، جہدافائنل کل کھیڈیا گیا سی ، وچ رنگپور رائیڈرز نے کرس گیل دی طوفانی اننگز دے بدلے ڈائنا مائنس نوں ہرا دتا۔ ایس میچ توں پہلاں اک بنگلا دیشی کھڈاری فاسٹ باؤلر محمد عامر نال لڑ پیا تے اوہناں نوں دھکا دتا۔ معاملے نوں ویکھدے ہوئے اوتھے موجود شاہد خان آفریدی وی میدان وچ آ گئے۔
بنگلا دیشی میڈیا اُتے چلن والی خبر مطابق ایہ جھیڑا پریکٹس دوران فٹ بال کھیڈن ویلے ہویا، جہدے وچ بنگلا دیشی کھڈاری نے محمد عامر نوں دھکا ماریا۔ دھکا مارن والے کھڈاری دا ناں مصدق حسین دسیا گیا اے۔ جواب وچ محمد عامر وی غصے وچ آ گئے تے بنگالی کھڈاری نوں مارن لئی اوہناں ول ودھے۔ بعدوں محمد عامر نوں ساتھی کھڈاریاں نے روک لیا تے معاملا رفع دفع ہو گیا۔
