روہت شرما ون ڈے کرکٹ دی تاریخ وچ 3ڈبل سنچریاں کرن والے پہلے بلے باز بن گئے

نویں دِلی(پاکستان پوائنٹ نیوز13۔دسمبر2017ء) بھارتی کرکٹ ٹیم دے کپتان روہت شرما ون ڈے کرکٹ دی تاریخ وچ 3ڈبل سنچریاں کرن والے پہلے بلے باز بن گئے نیں۔29ورھیاں دے روہت شرما نے سری لنکا خلا ف دوجے ون ڈے وچ شاندار بلے بازی دا وکھالا کردے ہوئے صرف 153گینداں اُتے 13چوکیاں تے 12چھکیاں دی مد نال 208سکور کھیڈ کے ناٹ آؤٹ رہے۔ یاد رہوے کہ ایہ روہت شرما دے ون ڈے تے لسٹ اے کیریئر دی تیجی ڈبل سنچری سی، اوہ ایس توں پہلاں 2013وچ آسٹریلیا خلاف 209تے 2014وچ سری لنکا خلاف ای 264رنز دی اننگز کھیڈ چکے نیں۔