لاہور(پاکستان پوائنٹ نیوز17۔نومبر2017ء) قومی ٹیم دے ہیڈ کوچ مکی آرتھر دا کہنا اے کہ فواد عالم نوں سلیکٹرز دیاں نظراں وچ آن لئی ہور چنگا کھیڈنا پئے گا۔ اک انٹرویو وچ مکی آرتھر دا کہنا سی کہ کھبے ہتھ دے بلے باز نوں اوہناں دی تکنیک جانچن لئی نیشنل کرکٹ اکیڈمی سدیا گیا سی جتھے اسیں اوہناں دیاں سٹروکس ویکھیاں تے ایہ وی پرکھن دی کوشش کیتی کہ اوہ کِنا بہتر کھیڈ سکدے نیں۔
مکی آرتھر دا کہنا سی کہ فواد عالم نال نیشنل کرکٹ اکیڈمی وچ ملاقات چنگی سی کیونکہ سانوں اوتھے ٹیسٹ کرکٹ لئی اوہناں دی فٹنس پرکھن دا موقع ملیا پر ون ڈے کرکٹ وچ 40توں ودھ دی اوسط رکھن والے بلے باز نوں سکور بنانے پین گے تے سلیکڑز دیاں نظراں وچ آن لئی ہور باؤنڈریاں لانیاں پین گیاں۔ مکی آرتھر دا کہنا سی کہ ہر اوہ کھڈاری دی پرفارمنس وچ دن بدن بہتری آئی ویکھنا چاہندے آں۔
اوہناں نے آکھیا کہ پاکستان دی ٹی ٹونٹی ٹیم چنگی کارکردگی وکھا رہی اے تے اوہناں دے خیال وچ ون ڈے وچ کافی سیٹ ہو گئی اے پر ہن ویلا اے کہ ٹیسٹ ٹیم نوں وی دوبارہ رینکنگ وچ پہلی پوزیشن تے لیاندا جائے۔ فاسٹ باؤلر سہیل خان بارے مکی آرتھر دا کہنا سی کہ اوہ سہیل خان دی ڈاڈھی محنت دی قدر کردے نیں پر اوہ پرانے باؤلر نیں۔
