محمد حفیظ دا باؤلنگ ایکشن غیر قانونی قرار دے دتا گیا

دبئی(پاکستان پوائنٹ نیوز16۔نومبر2017ء) قومی ٹیم دے سابق کپتان محمد حفیظ دا باؤلنگ ایکشن غیر قانونی قرار دے دتا گیا اے۔ تفصیل مطابق محمد حفیظ دا باؤلنگ ایکشن سری لنکا خلاف تیجے ون ڈے میچ وچ رپورٹ ہویا سی جہدے مگروں اوہناں نے پہلی نومبر نوں انگلینڈ وچ باؤلنگ ایکشن دا ٹیسٹ دتا سی تے ہن آئی سی سی ولوں اوہناں د اباؤلنگ ایکشن غیر قانونی قرار دے دتا گیا اے۔ چیتے رہوے کہ محمد حفیظ دا باؤلنگ ایکشن دو ورھیاں وچ تن وار رپورٹ ہویا اے تے 2015 وچ اوہناں اُتے اک سال لئی پابندی وی لگی سی۔ محمد حفیظ ہن انٹرنیشنل کرکٹ وچ فیر باؤلنگ نہیں کر سکن گے تے اوہناں نوں باؤلنگ ایکشن دا ٹیسٹ فیر دینا پئے گا۔