پشاور(پاکستان پوائنٹ نیوز10۔نومبر2017ء) قومی کرکٹ ٹیم دے سابق کپتان و آئی سی سی دے سابق صدر ایشین بریڈمین ظہیر عباس نوں پشاور زلمی گروپ دا صدر متھ لیا گیا اے۔ سابق کپتان ظہیر عباس ایشین بریڈمین (سکور بنان والی مشین) دے ناں تو ں مشہور نیں۔ اوہناں نے 78ٹیسٹ میچاں وچ 5062 تے 62ون ڈے وچ پاکستان لئی 2572سکور کیتے۔ ظہیر عباس ایشیا دے اکلے بلے باز نیں جہناں نے فرسٹ کلاس کرکٹ وچ 100توں ودھ سنچریاں بنائیاں نیں۔
پشاور زلمی گروپ ولوں ظہیر عباس دا ناں صدر دے طور اُتے متھے جان مگروں چیئرمین جاوید آفریدی نے آکھیا کہ اوہناں نوں ڈاڈھی خشی اے کہ ظہیر عباس ورگے سٹار کھڈاری پشاور زلمی ٹیم دی صدارت کرن گے۔ اوہناں دا کہنا سی کہ ہن پشاور زلمی نوں عالمی پدھر اُتے مشہور کیتے جان دی ضرورت اے۔
