پاک سری لنکا ٹی ٹونٹی میچ: ٹکٹاں دیاں قیمتاں دا اعلان کر دتا گیا

لاہور(پاکستان پوائنٹ نیوز17۔اکتوبر2017ء) لاہور وچ پاک سری لنکا ٹی ٹونٹی میچ لئی ٹکٹاں دیاں قیمتاں دا اعلان کر دتا گیا اے۔ تفصیل مطابق سری لنکن کرکٹ بورڈ ولوں لاہور وچ 29اکتوبر نوں ٹی ٹونٹی میچ کھیڈن لئی رضا مندی ظاہر کرن مگروں پی سی بی نے میچ دیاں تیاریاں شروع کر دتیاں نیں۔ پی سی بی ولوں میچ لئی ٹکٹاں ویچن دا سلسلا وی شروع کر دتا گیا اے۔ میڈیا رپورٹس مطابق پاک سری لنکا ٹی ٹونٹی میچ لئی ٹکٹاں دیاں قیمتاں دا اعلان کر دتا گیا اے۔ میچ لئی جاوید میانداد‘ راجا ز‘ عبدالقادرتے عبدالحفیظ دے انکلوژرز دے ٹکٹاں دی قیمت 1500رُپئے۔عمران خان تے فضل محمود انکلوژرز دے ٹکٹاں دی قیمت 3ہزار رُپئے جدکہ وسیم اکرم انکلورژ دے ٹکٹاں دی قیمت 5ہزار رُپئے ہوئے گی۔