شاہد آفریدی دی وزیر اعلا پنجاب میاں شہباز شریف نال ملاقات‘ فاؤنڈیشن لئی 5کروڑ دا چیک مل گیا

لاہور(پاکستان پوائنٹ نیوز17۔اکتوبر2017ء) قومی ٹیم دے سابق کپتان شاہدی آفریدی نے وزیر اعلا پنجاب میاں شہباز شریف نال ملاقات کیتی۔ ملاقات دوران شہباز شریف نے شاہد آفریدی نوں فاؤنڈیشن لئی 5کروڑ رُپئے دا چیک وی دتا۔ ایس موقعے تے شہباز شریف دا کہنا سی کہ تعلیم تے ہور سماجی شعبیاں وچ رلکے کم کرنا ہوئے گا۔ حکومت نے تعلیم و صحت دے شعبے وچ بہت کم کیتا اے تے ہن نجی شعبیاں نوں اگانہ آنا ہوئے گا۔ حکومت ایہناں اداریاں نوں پوری طرحاں سپورٹ کرے گی۔ شاہد آفریدی دا کہنا سی کہ شہباز شریف نے تعلیم و صحت دے شعبیاں وچ بہت ساریاں خدمتاں انجام دتیاں نیں۔