نیشنل 20 کرکٹ کپ دے دوران دہشت گردی دا خطرا

اسلام آباد(پاکستان پوائنٹ نیوز25۔اگست 2016ء) پاکستان کرکٹ بورڈ نے سکیورٹی خدشیاں پاروں قانون نافذ کرن والے اداریاں دی ایڈوائس اُتے 28 اگست نوں ہون والے نیشنل ٹی 20 کرکٹ کپ دے میچاں نوں منسوخ کردے ہوئے کسے ہور تاریخ اُتے دوبارہ میچ کروان دا فیصلا کر لِتا۔ وسیلیاں دے مطابق قانون نافذ کرن والے اداریاں نے پی سی بی حکام نوں آگاہ کیتا اے کہ 28 اگست دے حوالے نال سکیورٹی الرٹ جاری ہویا اے کہ کوئی دُکھانت ہو سکدا ے ایس لئی پنڈی کرکٹ سٹیڈیم وچ میچ نہ کروائے جان تے ایہناں میچاں نوں کسے ہور دن کروا لِتا جائے۔