ابوظہبی(پاکستان پوائنٹ نیوز28۔ستمبر2017ء) ابوظہبی ٹیسٹ دے پہلے دن کھیڈ دے آخیر اُتے سری لنکا نے پاکستان خلاف 4وکٹاں دے نقصان اُتے 227سکور بنا لئے نیں۔ دو ٹیسٹ میچاں دی سیریز دے پہلے مقابلے وچ سری لنکا نے پاکستان خلاف ٹاس جِت کے پہلے بلے بازی دا فیصلاکیتا تے مجمان ٹیم دے اوپنرز نے 34دے مجموعی سکور اُتے پاکستان نوں پہلی کامیابی اودوں دوائی جدوں حسن علی نے کوشل سلوا نوں 12سکور اُتے کلین بولڈ کیتا۔
لیگ سپنر یاسر شاہ نے لاہیرو تھریمانوں کھاتہ کھولن دا موقع دتے بغیر ایل بی ڈبلیو آؤٹ کر کے پاکستان نوں دوجی کامیابی دوائی۔ کھان پین دے وقفے توں پہلاں آخری اوور وچ یاسر شاہ نے کوشل مینڈس نوں سرفراز ہتھوں آؤٹ کروا کے پاکستان نوں تیجی کامیابی دوائی۔ ایس موقعے تے کارونارتنے نے کپتان چندیمل نال رلکے چوتھی وکٹ لئی سنچری سکوار کیتا۔
