گرانٹ فلاور گیند لبھن سٹیڈیم دی چھت اُتے چڑھ گئے

لاہور(پاکستان پوائنٹ نیوز20۔ستمبر2017ء) سری لنکا خلاف سیریز لئی جاری پریکٹس سیشن دوران حارث سہیل ولوں شاٹ مارن اُتے گیند ماجد خان انکلوژر دی چھت اُتے پہنچ گئی۔ جدوں جونیئر کھڈاریاں تے میڈیا نمائندے وی گیند نہ لبھ سکے تے بیٹنگ کوچ گرانٹ فلاور گیند لبھن آپ ای چھت اُتے چڑھ گئے تے گیند لبھ کے ای واپس پرتے۔ میڈیا دے پُچھن اُتے گرانٹ فلاور دا کہنا سی کہ پریکٹس لئی چنگیاں گینداں آسانی نال نہیں ملدیاں ایس لئی اوہ ایس گل دا خیال رکھ رہے نیں۔