ورلڈ الیون کل دبئی چلی جائے گی

لاہور(پاکستان پوائنٹ نیوز15۔ستمبر2017ء) پاکستان وچ انٹرنیشنل کرکٹ دا میلا ختم ہوندے ای پاکستان دے دورے اُتے آئی ہوئی ورلڈ الیون ہفتے دی سویر علامہ اقبال ائر پورٹ لاہور توں فلائیٹ نمبر ای کے 625راہیں دبئی چلی جائے گی جتھوں کھڈاری اپنے اپنے دیس واپس پرت جان گے۔ ورلڈ الیون دا 14رکنی سکواڈ کپتان فاف ڈوپلیسی‘ ہاشم آملا‘ ڈیوڈ ملر‘ مورنی مورکل‘ عمران طاہر‘ ٹم پین‘ جارج بیلی‘ گرانٹ ایلیٹ‘ سیموئل بدری‘ بین کٹنگ‘ پال کولنگ وڈ‘ تمیم اقبال‘ ڈیرن سیمی تے تھسارا پریرا اُتے مشتمل اے۔ ورلڈ الیون دی ہوٹل توں ائر پورٹ روانگی لئی سکیورٹی انتظامات مکمل کر لئے گئے نیں۔