آزادی کپ:نواں ویاہیا جوڑا وی میچ ویکھن سٹیڈیم پہنچ گیا‘ دیر نال پہنچن کارن گیٹ بند‘ مایوسی دا ساہمنا

آزادی کپ:نواں ویاہیا جوڑا وی میچ ویکھن سٹیڈیم پہنچ گیا‘ دیر نال پہنچن کارن گیٹ بند‘ مایوسی دا ساہمنا

لاہور(پاکستان پوائنٹ نیوز12۔ستمبر2017ء)کرکٹ میچ ویکھن لئی نواں ویاہیا جوڑا وی قذافی سٹیڈیم پہنچ گیا پر سٹیڈیم دے سارے گیٹ بند ہوگئے۔ میڈیا رپورٹس مطابق اج قذافی سٹیڈیم وچ آزادی کپ دا پہلا میچ پاکستان تے ورلڈ الیون دیاں کرکٹ ٹیماں وچکار جاری اے۔ لوکاں دی وڈی گنتی میچ ویکھن لئی سٹیڈیم پہنچ گئی اے۔ کرکٹ دا جنونی نواں ویاہیا جوڑا گوجرانوالا توں میچ ویکھن لئی سٹیڈیم تے پہنچ گیا پر ویلے سِر نہ پہنچن اُتے سٹیڈیم دے گیٹ بند ہون کارن اوہنوں مایوسی دا ساہمنا کرنا پیا۔ جہدے مگروں دُلہا تے دُلہن بغیر میچ ویکھے واپس پرت گئے۔