آزادی کپ: ورلڈ الیون دا پاکستان خلاف ٹاس جِت کے پہلے فیلڈنگ دا فیصلا

لاہور(پاکستان پوائنٹ نیوز12۔ستمبر2017ء) ورلڈ الیون دے کپتان فاف ڈپلوسی نے پہلے ٹی ٹونٹی میچ وچ ٹاس جِت کے پہلے فیلڈنگ کرن دا فیصلا کیتا اے۔ تفصیل مطابق آزادی کپ دے سلسلے وچ قذافی سٹیڈیم لاہور وچ کھیڈے جان والے افتتاحی میچ وچ ورلڈ الیون دے کپتان فاف ڈپلوسی نے ٹاس جِت لیا۔ فاف نے فیلڈنگ کرن دا فیصلا کردے ہوئے آکھیاکہ پاکستان نوں گھٹ سکور تے آؤٹ کرن دی کوشش کراں گے۔