پاکستان سپر لیگ :دوجے ایڈیشن دا فائنل لاہور وچ کران لئی عملی اقدامات شروع

لاہور(پاکستان پوائنٹ نیوز23۔اگست 2016ء) پاکستان کرکٹ بورڈ نے پاکستان سپر لیگ (پی ایس ایل) دے دوجے ایڈیشن دا فائنل لاہور وچ کران لئی عملی کوششاں شروع کر دِتیاں نیں تے ایس سلسلے وچ پنجاب حکومت نوں اقدامات کرن دی درخاست کیتی گئی اے۔ پی سی بی دی ایگزیکٹو کمیٹی دے چیئرمین نجم سیٹھی نے پنجاب حکومت نوں کرکٹ میچاں دے انعقاد لئی اقدامات شروع کرن دی ہدایت کردے ہوئے آکھیا اے کہ جو غیر ملکی کھڈاری پاکستان آکے کھیڈن اُتے راضی نہیں ہون گے اوہناں دی تھاں پاکستان وچ کھیڈن لئی رضا مند ہون والے کھڈاریاں نوں ہور فرنچائز ٹیماں توں درخاست کر کے ٹیماں وچ شامل کیتا جاوے گا۔ جدکہ پی ایس ایل دے دوجے ایڈیشن دا فائنل ممکنا طور اُتے 9 مارچ نوں ہووے گا۔