پشاور زلمی دا خیبر پختونخوا وچ 100کرکٹ پچز دا تحفہ

پشاور زلمی دا خیبر پختونخوا وچ 100کرکٹ پچز دا تحفہ

پشاور(پاکستان پوائنٹ نیوز05۔اگست2017ء) پاکستان سپر لیگ دے دوجے ایڈیشن دی چیمپئن پشاور زلمی ولوں کے پی کے وچ `Haier Zalmi 100 Piches` پروگرام دی شروعات کر دتی گئی اے۔ پاکستان کرکٹ ٹیم دے سابق کپتان و پشاور زلمی دے ایمبیسیڈر یونس خان تے پشاور زلمی دے ہیڈ کوچ محمد اکرم نے اسلامیہ کالج دے کرکٹ گراؤنڈ وچ ہنڈرد پچز پروگرام دا نینہ پتھررکھیا۔پشاور زلمی تے پشاور زلمی فاؤنڈیشن نے ہائر پاکستان نال رلکے کے پی کے تے فاٹا وچ نوجوان کھڈاریاں نوں کرکٹ کھیڈن لئی ایہ کم کرن دا بیڑا چکیا اے۔ ایس پروگرام تحت پشاور تے فاٹا وچ کرکٹ کلبز دے نال نال سکول و کالجاں وچ کرکٹ پچز بنائیاں جان گیاں ۔ایس توں وکھ نوجوان کھڈاریاں نوں کرکٹ بیٹس تے کٹس وی دتیاں جان گیاں۔