کولمبو(پاکستان پوائنٹ نیوز17۔اگست 2016ء) پاکستان دے ٹیسٹ رینکنگ وچ نمبر ون بنن وچ آون والی اک اوکڑ دور ہوگئی۔ سری لنکا نے آسٹریلیا نوں تیجے ٹیسٹ وچ ہرا کے وائٹ واش مکمل کر لیا۔ تفصیل دے مطابق انگلینڈ خلاف ٹیسٹ سیریز ڈرا کرن والی پاکستانی ٹیم نوں ٹیسٹ رینکنگ وچ پہلی پوزیشن حاصل کرن لئی ضروری سی کہ سری لنکا آسٹریلیا خلاف تیجا ٹیسٹ گھٹو گھٹ ڈرا کرے تے بھارت ویسٹ انڈیز خلاف چوتھا ٹیسٹ میچ جِتن وچ کامیاب نہ ہو سکے۔
جدکہ سری لنکا نے پاکستان دی مشکل آسان کردے ہوئے تیجے ٹیسٹ وچ آسٹریلیا خلاف 163 رنز توں کامیابی حاصل کر کے سیریز وچ وائٹ واش مکمل کردے نال ای پاکستان دے ٹیسٹ نمبر ون بنن وچ آن والی اوکڑ دور کر دِتی اے۔ ہُن گرین شرٹس دا آسرا ویسٹ انڈیز اُتے اے جہدے بھارت خلاف آخری ٹیسٹ جِتن یا ڈرا کرن دی صورت وچ مصباح الیون ٹیسٹ رینکنگ وچ پہلے نمبر اُتے آ جاوے گی۔
