چیمپئن ٹرافی دے فاتح کھڈاریاں دے دماغ ستویں آسمان تے پہنچ گئے

چیمپئن ٹرافی دے فاتح کھڈاریاں دے دماغ ستویں آسمان تے پہنچ گئے

لاہور(پاکستان پوائنٹ نیوز20۔جولائی 2017ء) چیمپئنز ٹرافی جِتن والی ٹیم دے کھڈاریاں دے دماغ ستویں آسمان تے پہنچ گئے۔ مقامی شاپنگ مال ولوں ملن والی انعامی رقم نوں حقیر سمجھ کے لین توں انکار کر دتا۔ تفصیل مطابق شاہیناں نے چیمپئنز ٹرافی 2017دا ٹائٹل اپنے ناں کیتا تے پورے ملک وچ خشی دے واجے وجائے گئے۔ وزیر اعظم سنے ہور بندیاں ولوں ٹیم لئی انعامی رقم دا اعلان کیتا گیا جہدے مگروں کھڈاری راتوں رات امیر ہو گئے۔

اچن چیت ورسن والی دولت دی دیوی نے شاید کھڈاریاں دے دماغ ستویں آسمان تے پہنچا دتے نیں۔ کھڈاریاں نے راولپنڈی دے اک مقامی شاپنگ مال ولوں اپنے اعزاز وچ دگتے گئے ظہرانے دوران دو لکھ رُپئے فی کس انعامی رقم لین توں انکار کر دتا۔ وسیلیاں مطابق شاپنگ مال انتظامیا نے کھڈاریاں نوں دو لکھ رُپئے دتے سن پر جدوں اوہ اوتھے پہنچے تے اوہناں نوں پتا نہیں سی کہ انعامی رقم اینی اے۔