اوول(پاکستان پوائنٹ نیوز24۔جون2017ء) بھارتی ویمن کرکٹ ٹیم دی کپتان متھالی راج پرچا کار دے سوال اُتے غصے وچ آ گئیاں۔ تفصیل مطابق سوانیاں دے ورلڈ کپ دے شروع ہون توں پہلاں پریس کانفرنس دوران جدوں اک رپورٹر نے بھارتی کپتان متھالی راج توں سوال کیتا کہ تہاڈا پسند دا مرد کرکٹ کون اے؟ جواب وچ اوہناں نے غصے دا وکھالا کردے ہوئے آکھیا کہ ایہ سوال کسے مرد کرکٹر نوں پُچھیاجائے کہ اوہناں دی پسندیدا سوانی کرکٹر کون اے؟اوہناں نے آکھیا کہ ساڈے تے مرد کھڈاریاں وچ بہت فرق اے کیونکہ اسیں مستقل ٹی وی اُتے نہیں آنا ہوندا۔
متھالی راج دا کہنا سی کہ پچھلے دِنا ای بی سی آئی نے دو ہوم سیریز ٹیلی ویژن اُتے چلان دی اک کوشش کیتی جہدا سوشل میڈیا توں چنگا جواب آیا پر کھڈاریاں نوں سلاہن لئی ہن وی بہت کُجھ کرن دی لوڑ اے۔ دوجے پاسے ٹویٹر اُتے کئی ورتیندڑاں نے متھالی راج دے جواب نوں سلاہیا اے۔
