چیمپئنز ٹرافی دے سکواڈ وچ ناں نہ آنا میرے لئی وڈا جھٹکا سی: رومان رئیس

لاہور(پاکستان پوائنٹ نیوز24۔جون2017ء) قومی ٹیم دے فاسٹ باﺅلر رومان رئیس نے انکشاف کیتا اے کہ اوہناں نوں چیمپئنز ٹرافی کھیڈن دی اک فیصد وی امید نہیںسی۔ اک انٹرویو وچ رومان رئیس دا کہنا سی کہ چیمپئنز ٹرافی لئی قومی ٹیم وچ رلتی نہ ہونا اوہناں لئی وڈا جھٹکا سی۔ اوہ ویسٹ انڈیز دے دورے توں واپسی مگروں کراچی وچ رمضان کپ کھیڈ رہے سن جدوں اوہناں نوں کرکٹ بورڈ ولوں انگلینڈ گھلن دی خبر ملی۔رومان رئیس دا کہنا سی کہ میں صرف اللہ دا شکر ادا کر سکنا واں جہنے مینوں ہر اک نوں متاثر کرن تے پاکستان لئی چنگی کارکردگی وکھان دا موقع دین دے نال نال سیمی فائنل وچ ڈیبیو کرن والے کھڈاری بنن تے ایلکس ہیلز تے لیام پلنکٹ دیاں وکٹاں لین دا موقع دتا۔