کرکٹ شاداب خان دی مشہور گلوکارا مومنہ مستحن نال تصویر ساہمنے آ گئی

لاہور(پاکستان پوائنٹ نیوز24۔جون2017ء) پاکستانی ٹیم دے نوجوان باﺅلر شاداب خان دی گلوکارا مومنہ مستحن نال بنائی گئی تصویر سوشل تے وائرل ہو گئی۔ تفصیل مطابق گلوکارا مومنہ مستحن نے اپنے انسٹا گرام اکاﺅنٹ توں شاداب خان دی نال لِتی گئی سیلفی شیئر کیتی اے جو’ سٹیزن فاﺅنڈیشن طلبا‘ وچ عید دے تحفے ونڈن دی تقریب دوران بنائی گئی سی۔ تقریب وچ دوویں سٹارز موجود سن جتھے لوکاں نے اوہناں نال کئی تصویراں بنائیاں۔