والدہ نال گل کیتے بغیر میچ کھیڈن لئی میدان وچ نہیں جاندا: سرفراز احمد

کراچی(پاکستان پوائنٹ نیوز24۔جون2017ء) قومی ٹیم دے کپتان سرفراز احمد دا کہنا اے کہ میں والدہ نال گل بات کیتے بغیر میچ کھیڈن لئی میدان وچ نہیں جاندا۔ نجی ٹی وی دے پروگرام وچ گل بات کردے ہوئے سرفراز احمد دا کہنا سی کہ اوہناں دی شروع توں عادت اے کہ اوہ میچ لئی گراﺅنڈ وچ جان توں پہلاں والدہ نال ضرور گل کردے نیں۔ والدہ نہ ملن تے اوہ بھائی یاں بھین نال گل بات کردے نیں۔ سرفراز احمد دا ہور کہنا سی کہ فائنل دے دن والدہ نے عمرے لئی جانا سی ایس لئی سویرے سویرے ای اوہناں نال گل کر لئی سی۔