لاہور(پاکستان پوائنٹ نیوز24۔جون2017ء) انٹرنیشنل کرکٹ کونسل (آئی سی سی) نے لندن وچ ہون والے سالہوار اجلاس مگروں پاکستان وچ بین الاقوامی کرکٹ دی بحالی لئی چالو ورھے ستمبر وچ ورلڈ الیون گھلن دا اعلان کر دتا۔ آئی سی سی بورڈ مطابق پاکستان تے ورلڈ الیون وچکار تن ٹی ٹونٹی میچاں دے انعقاد اُتے اتفاق کیتا گیا اے جو ملک وچ بین الاقوامی کرکٹ دی بحالی ول پہلا قدم ہوئے گا۔
آئی سی سی سی دے اعلان مطابق سارے میچاں نوں بین الاقوامی ٹی ٹونٹی میچاں دا درجہ دتا جائے گا جو لاہور وچ کھیڈے جان گے جدکہ ایس حوالے نال ہور تفصیلاں مگروں جاری کر دتیاں جان گیاں۔ چیتے رہوے کہ چالو ورھے لاہور وچ پاکستان سپر لیگ (پی ایس ایل) دے کامیاب فائنل مگروں آئی سی سی نے چالو ورھے ستمبر وچ ورلڈ الیون نوں پاکستان گھلن دا فیصلا کیتا سی۔
