نوبال نال گوریاں دے دیس وچ جیل جان والے محمد عامر نے بھارتی کھڈاریاں نوں آﺅٹ کر کے گوائی عزت کما لئی

لاہور(پاکستان پوائنٹ نیوز20۔جون2017ء) محمد عامر غلطی کرن مگروں اوہدے اُپاءکارن نوجواناں لئی وڈی مثال بن گئے، 7سال پہلے برطانیا وچ میچ فکسنگ کیس وچ اوہناں نوں جیل جانا پیا سی پر ہن بھارت خلاف قومی ٹیم نوں فتح دوا کے محمد عامر نے گوائی ہوئی عزت واپس کما لئی۔ ایہو انگریزاں دی زمین سی جتھے محمد عامر نے دولت خاطر غلط کم کیتا۔ ایہ ملک نال غداری سی، جہدے اُتے پوری قوم نے اوہناں نوں بُرا بھلا آکھیا۔جہدے مگروں عامر نے توبہ کیتی تے اک وار فیر اپنے ہتھ وچ گیند پھڑی۔ عامر نے حوصلا نہ ہاریا۔ 7سال پہلے جس شہر وچ بے عزتی ہوئی اوتھے ای ست سال مگروں اللہ نے کرم کیتا۔ انج عامر پاکستانی نوجواناں لئی اک وڈی مثال بن گیا۔