اظہر علی دے پُتر بھارتی کھڈاریاں نال گھل مل گئے

لندن(پاکستان پوائنٹ نیوز20۔جون2017ئ) پاکستان تے بھارت دیاںکرکٹ ٹیماں آہمنے ساہمنے ہوون تے دوویں ٹیماں دے کھڈاری جِت لئی ڈاڈھیاں کوششاں کر دے نیں پر میدان توں باہر کھڈاری اک دوجے نال بیلیاں وانگ ملدے نیں۔چیمپئنز ٹرافی دے فائنل توں پہلے سابق بھارتی کپتان مہندر سنگھ دھونی دی پاکستانی کپتان سرفراز احمد دے پُتر نوں چُکے تصویر ساہمنے آئی سی پر ہن قومی ٹیم دے اوپنر اظہر علی نے بھارت دے تن کھڈاریاں ویرات کوہلی، یوراج سنگھ تے ایم ایس دھونی نال اپنے پُتراں دیاں تصویراں شیئر کیتیاں نیں۔