نجم سیٹھی اگلے چیئرمین پی سی بی ہو سکدے نیں: شہریار خان

نجم سیٹھی اگلے چیئرمین پی سی بی ہو سکدے نیں: شہریار خان

اسلام آباد(پاکستان پوائنٹ نیوز23۔مئی2017ء) چیئرمین پی سی بی شہریار خان نے نجم سیٹھی دے اگلے سربراہ ہون دا اشارا دے دتا۔ پارلیمنٹ ہاﺅس باہر میڈیا نال گل بات کردے ہوئے شہریار خان دا کہنا سی کہ اگست وچ عہدے دی مدت ختم ہون مگروں اوہ فیر امیدوار نہیں ہون بلکہ 4ریجن دے نمائندیاں تے 2نامزدگیاں وچوں نواں چیئرمین چُنیا جائے گا، آئین دے مطابق 10لوکاں وچوں چیئرمین چنیا جا سکدا اے جدکہ نجم سیٹھی وی کرکٹ بورڈ دے اگلے سربراہ ہو سکدے نیں۔

اک سوال دے جواب وچ شہریار خان نے آکھیا کہ مصباح الحق تے یونس خان بارے اگلے تن توں چار دناں وچ فیصلا کر لواں گے، کھڈاریاں لئی فیئرویل دی تقریب منعقد کراں گے۔ اوہناں دا کہنا سی کہ ان فٹ کھڈاریاں نوں نہ کھڈان بارے ساڈی پالیسی واضح اے، عمر اکمل فیر فٹنس ٹیسٹ پاس نہیں کر سکے ایس لئی اوہناں نوں واپس گھل دتا گیا اے۔