ثانیہ مرزا پاک بھارت میچ ویکھن گراﺅنڈ نہیں آ سکن گیاں: شعیب ملک

برمنگھم(پاکستان پوائنٹ نیوز22۔مئی2017ء) بھارتی ٹینس سٹار تے قومی ٹیم دے سابق کپتان شعیب ملک دی گھر والی ثانیہ مرزا چیمپئینز ٹرافی وچ پاکستان تے بھارت وچکار ہون والے میچ نوں ویکھن ایجبسٹن نہیں پہنچ سکن گیاں۔ تفصیل دے مطابق سابق کپتان شعیب ملک توں پُچھیا گیا کہ کیہ ثانیہ مرزا پاک بھارت میچ ویکھن میدان وچ آن گیاں؟ جواب وچ شعیب ملک دا کہنا سی کہ اوہ میچ ویکھن نہیں آ سکن گیاں کیونکہ اوہ فرنچ اوپن ٹینس ٹورنامنٹ کھیڈ رہیاں ہون گیاں۔ چیتے رہوے کہ فرنچ اوپن ٹینس ٹورنامنٹ 26مئی توں شروع ہو رہیا اے جدکہ پاکستان تے بھارت وچکار میچ 4جون نوں ایجبسٹن کرکٹ گراﺅنڈ وچ کھیڈیا جائے گا۔