مصباح کدی سیاست وچ پیر نہیں رکھے گا: والدہ

مصباح کدی سیاست وچ پیر نہیں رکھے گا: والدہ

لاہور(پاکستان پوائنٹ نیوز16۔مئی2017ء) قومی ٹیسٹ ٹیم دے سابق کپتان مصباح الحق دی والدہ دا کہنا اے کہ اوہ کدی سیاست وچ پیر نہیں رکھے گا۔ تفصیل دے مطابق اک انٹرویو وچ مصباح الحق دیاں بالپنے دیاں یاداں تازا کردے ہوئے اوہناں دی والدہ نے دسیا کہ مصباح الحق جدوں نِکا سی گڈیاں اُڈاندا سی تے سارے محلے والے اوہدے ڈر توں اپنیاں گڈیاں لاہ لیندے سن، اوہ اپنے والد دی سائیکل دی ہوا کڈھ دیندا سی تے میں اک دن اوہنوں پھڑ لیا ۔

اک سوال دے جواب وچ اوہناں دا کہنا سی کہ 2010دے فکسنگ سکینڈل مگروں مصباح نوں گھر فون آیا تے پہلے اوہنوں ٹیم وچ شامل کیتا گیا تے چار گھنٹیاں مگروں کپتان بنا دتا گیا۔ اوہ میرے لئی یادگار ترین دن سی۔ اوہناں دا کہنا سی کہ مینوں یقین اے کہ مصباح الحق سیاست وچ کدی نہیں آئے گا۔