ٹیسٹ رینکنگ: مصباح دی ٹاپ 20وچ واپسی، عا مر دی وی وڈی چھلانگ

دبئی(پاکستان پوائنٹ نیوز26۔اپریل2017ء) آئی سی سی نے جمیکا ٹیسٹ مگروں نویں ٹیسٹ رینکنگ جاری کر دتی۔ ویسٹ انڈیز خلاف پہلے ٹیسٹ وچ چنگا کھیڈ پیش کرن والے قومی ٹیسٹ کپتان مصباح الحق 6درجے بہتری نال 20ویں پوزیشن اُتے آ گئے، یونس خان اُنجے ای 8ویں جدکہ اظہر علی 3درجے ہیٹھاں جان مگروں 10ویں نمبر اُتے آگئے نیں۔ وکٹ کیپر و بلے باز سرفراز احمد 24ویں تے بابر اعظم 14درجے چھلانگ مار کے 94ویں نمبر اُتے آ گئے نیں۔ ویسٹ انڈیز دے کپتان جیسن ہولڈر وی60ویں پوزیشن اُتے آگئے نیں۔ باﺅلرز وچ لیگ سپنر یاسر شاہ اک درجے ترقی مگروں 15تے محمد عامر 13درجے بہتری مگروں 42ویں نمبر اُتے آ گئے۔ دوجے پاسے ویسٹ انڈین پیسر شینن گیبریل 33ویں جدکہ جوزف الزاری 73ویں نمبر اُتے آ گئے نیں۔