لاہور(پاکستان پوائنٹ نیوز25۔اپریل2017ء) پاکستان کرکٹ بورڈ نے چیمپیئنزٹرافی 2017لئی سرفراز احمد دی قیادت ہیٹھ 15رکنی سکو اڈ دا اعلان کر دتا، کامران اکمل نوں ڈراپ کر کے عمراکمل تے اظہر علی نوں سکواڈ دا حصہ بنایا گیا اے۔ وسیلیاں دے مطابق سلیکشن کمیٹی نے 15رکنی سکواڈ دے ناں منظوری لئی چیئرمین پی سی بی نوں گھلے جہناں اوہدی منظوری دے دتی اے، سابق کپتان اظہر علی تے عمر اکمل دی سکواڈ وچ واپسی ہوئی اے، اظہر علی نے ناکام دورا آسٹریلیا مگروں ون ڈے ٹیم دی قیادت توں استعفی دے دتا سی جہدے بعد اوہناں نوں دورا ویسٹ انڈیز لئی ون ڈے ٹیم دا حصہ نہیں بنایا گیا سی۔
ایس توں وکھ سلیکشن کمیٹی نے دورا ویسٹ انڈیز وچ چنگا کھیڈ پیش کرن والے کامران اکمل نوں واپس ٹیم دا حصہ بنا دتا اے جدکہ محمد اصغر تے آصف ذاکر نوں بغیر کوئی میچ کھڈائے ای سکواڈ توں باہر کر دتا گیا اے۔
