یونس خان نے ریٹائرمنٹ دا فیصلا واپس لین دا اشارا دے دتا

جمیکا(پاکستان پوائنٹ نیوز22۔اپریل2017ء) قومی ٹیم دے سٹار کرکٹر یونس خان نے ریٹائرمنٹ دا فیصلا واپس لین دا اشارا دے دتا۔ نجی ٹی چینل دے مطابق یونس خان نے آکھیا اے کہ جے پاکستان نوں میری لوڑ ہوئی تے ریٹائرمنٹ دا فیصلا واپس لین بارے سوچ سکنا واں۔ یونس خان دا کہنا سی کہ میدان چھڈن دا ویلا اوہو بہتر ہوندا اے جدوں لوک تہانوں کھیڈدا ویکھنا چاہن پر جے میری ٹیم نوں لوڑ ہوئی تے ریٹائرمنٹ دا فیصلا واپس لین دا سوچ سکنا واں۔ چیتے رہوے کہ یونس خان نے دو ہفتے پہلے ٹیسٹ کرکٹ توں ریٹائرمنٹ دا اعلان کیتا سی۔