شعیب ملک نے بیگم نوں ٹائم دین لئی پاکستان کپ چھڈ دتا

لاہور(پاکستان پوائنٹ نیوز22۔اپریل2017ء) بھارتی ٹینس سٹار ثانیہ مرزا اپنیاں پروفیشل رُجھاں کارن اپنے خاوند توں دور رہندیاں نیں پر رُجھے شیڈول توں ویہلے ہوندے ای اوہناں نے شعیب ملک نال ویلا لنگھان دا سوچیا اے۔ دوجے پاسے شعیب ملک نے اپنی بیوی نال ویلا لنگھان لئی پاکستان کپ دے میچاں دی قربانی دے دتی اے۔ اوہناں نے ایونٹ دے پہلے دوویں میچاں وچ اپنی ٹیم خیبرپختونخوا لئی شاندار کارکردگی وکھاندے ہوئے فیڈرل ایریا خلاف 72تے پنجاب خلاف 80سکور کیتے پر دبئی جان کارن شعیب ملک اج بلوچستان تے 25اپریل نوں سندھ خلاف میچ وچ رلت نہیں کرن گے۔ ایس گل دا بُہتا امکان اے کہ اوہ خیبرپختونخوا دے فائنل وچ جان مگروں ملک واپس پرت آن۔