لاہور(پاکستان پوائنٹ نیوز15۔اپریل2017ء) سپیڈ سٹار شعیب اختر نے حسن علی نوں محمد عامر تے وہاب ریاض توں بُہتا خطرناک باﺅلر قرار دیندے ہوئے آکھیا اے کہ اوہنوں شہرت تے وکٹاں لین دا مزا آن لگا اے۔ تفصیل دے مطابق نجی ٹی دے پروگرام وچ گل بات کردے ہوئے شعیب اختر نے آکھیا کہ حسن علی ہن چنگی باﺅلنگ کر رہیا اے، ایس ویلے اوہ محمد عامر تے وہاب ریاض توں وی بُہتا خطرناک نظر آ رہیا اے تے اوہ دوواں توں کیتے چنگی کارکردگی وکھا رہیا اے۔
اوہناں نے آکھیا کہ حسن علی باﺅلنگ ردھم وچ اے تے لگاتار وکٹاں لے رہیا اے، جہدی وجہ ایہ اے کہ ہن اوہنوں جو شہرت ملی اے اوہنوں اوہدا مزا آ رہیا اے تے وکٹاں لین اُتے جس طرحاں قوم تے کرکٹ دے ماہراں ولوں تعریف کیتی جاندی اے اوہنوں ایہدی عادت ہو رہی اے۔
