مشال خان دے قتل اُتے کرکٹر حسن علی وی میدان وچ آ گئے

مشال خان دے قتل اُتے کرکٹر حسن علی وی میدان وچ آ گئے

لاہور(پاکستان پوائنٹ نیوز15۔اپریل2017ء) عبدالولی خان یونیورسٹی وچ مشال خان دے قتل اُتے قومی کرکٹر حسن علی نے ہرکھ دا وکھالا کیتا اے۔ تفصیل دے مطابق دو دن پہلے مردان دی یونیورسٹی وچ مشال خان نوں مذہب دے ناں اُتے پڑھیاراں دے اک جتھے نے قتل کر دتا سی۔ مشال نوں قتل کیتے جان اُتے قومی ٹیم دے فاسٹ باﺅلر حسن نے وی ایس واقعے اُتے اپنے خیالاں دا اظہار کیتا اے۔ مائیکرو بلاگنگ ویب سایٹ ٹویٹر اُتے اپنے پیغام وچ حسن علی دا کہنا سی ’اوہ میرے خدا، مردان وچ کیہ ہو گیا اے، اسیں اپنے آپ نوں انسان یاں مسلمان کس طرحاں آکھ سکدے آں، یا اللہ!!!‘ حسن علی دے ایس پیغام دا جواب دیندے ہوئے اک ورتیندڑ نے وی ہرکھ داوکھالا کردے ہوئے پڑھیار دے قاتلاں نوں سخت سزا دین دا مطالبا کیتا۔