فکسنگ بارے دسن والے کھڈاریاں دی جان دا خطرا ہوندا اے: راشد لطیف

فکسنگ بارے دسن والے کھڈاریاں دی جان دا خطرا ہوندا اے: راشد لطیف

کراچی(پاکستان پوائنٹ نیوز29۔مارچ2017ء) قومی ٹیم دے سابق کپتان راشد لطیف دا کہنا اے کہ فکسنگ وچ ملوث کوئی جواری اج تک نہیں پھڑیا گیا بلکہ اُلٹا فکسنگ بارے آفیشلز نوں دسن والے کھڈاری دی جان نوں خطرا پیدا ہو جاندا اے۔ تفصیل دے مطابق کراچی وچ میڈیا نال گل بات کردے ہوئے راشد لطیف دا کہنا سی کہ اوہناں نوں کئی وار فکسنگ کرن لئی آفرز آیاں سن پر اوہناں نے فوری طور اُتے کرکٹ بورڈ نوں دسیا سی پرجواب وچ کوئی جواری نہیں پھڑیا گیا، جہڑے بکیز دی نشان کاری کیتی گئی اوہ لاہور تے کراچی وچ آزاد گھم پھر رہے نیں۔

اوہناں دا کہنا سی کہ فکسنگ ساڈی کرکٹ تباہ کر رہی اے پر انج لگ رہیا اے کہ کرکٹ بورڈ نوں اوہدی کوئی پرواہ نہیں اے۔ اوہناں دا ہور کہنا سی کہ عمر امین نے کرکٹ بورڈ نوں جواری ولوں رابطیاں بارے دسیا تے اُلٹا اوہناں دی جان نوں خطرا پیدا ہو گیا، ایس سلسلے وچ انٹرنیشنل کرکٹ کونسل دا معیار وی دہرا اے جو پاکستان دے حوالے نال تے فوری طور اُتے تحقیقات کر دیندا اے پر ہور ملکاں دے میچاں اندر ہوش وچ نہیں آﺅندا۔