لاہور(پاکستان پوائنٹ نیوز28۔مارچ2017ء) جواریاں نال رابطیاں دے الزام وچ معطل فاسٹ باﺅلر محمد عرفان نے جواب جمع کروان لئی اک ہور دن منگ لیا۔تفصیل دے مطابق اج فاسٹ باﺅلر محمد عرفان اپنے وکیل نال پی سی بی ہیڈ کوارٹر پہنچے تے اینٹی کرپشن یونٹ ساہمنے پیش ہوئے جتھے اوہناں نے تحریری طور اُتے جواب جمع کروان لئی اک دن ہور منگیا۔ چیتے رہوے کہ پیسر اُتے اینٹی کرپشن کوڈ دے آرٹیکل 2.4.4دی دو وار خلاف ورزی دا الزام اے، ایس شق دا اطلاق کسے وی جواریے نال رابطے اُتے پی سی بی اینٹی کرپشن یونٹ نوں اطلاع نہ دین اُتے ہوندا اے۔
جے پیسر نے نے الزام من لئے تے اوہناں دا کیس ٹربیونل ساہمنے پیش ہووے گا جدکہ الزام قبول کرن دی صورت وچ اوہناں خلاف ڈسپلنری کمیٹی اپنی کارروائی پوری کردے ای سزا سنا دیوے گی۔
