ان فٹ قرار دتے گئے عمر اکمل نے دھواں دار ڈبل سنچری بنا لئی

لاہور(پاکستان پوائنٹ نیوز28۔مارچ2017ء) دورا ویسٹ انڈیز لئی ان فٹ قرار دتے جان والے مڈل آرڈر کھڈاری عمر اکمل نے کلب وچ شاندار ڈبل سنچری سکور کر کے ٹیم توں باہر ہون دا غصہ لاہ دتا۔ تفصیل دے مطابق عمر اکمل نے ماڈل ٹاﺅن علی گڑھ گراﺅنڈ وچ کرکٹ سینٹر ولوں کھیڈے گئے 40اووراں دے میچ وچ 26چوکیاں تے 10چھکیاں سنے 119گینداں اُتے 225سکور دی لمی اننگز کھیڈی پر ایہ اننگز لسٹ اے میچاں وچ گِنی نہیں جاوے گی۔ عمر اکمل دی ڈبل سنچری دی وجہ توں سینٹر نے ذکر کیتے گئے میچ وچ متھے گئے 40اووراں وچ 393سکور کیتا۔ چیتے رہوے کہ عمراکمل ایس توں پہلے وی کلب کرکٹ وچ ڈبل سنچری سکور کر چکے نیں۔