باربڈوس(پاکستان پوائنٹ نیوز27۔مارچ2017ء) ٹی ٹونٹی تے ون ڈے ٹیم دے کپتان سرفراز احمد نے ویسٹ انڈیز خلاف پہلا ٹی ٹونٹی میچ جتدے ای مصباح الحق دا اک ریکارڈ وی برابر کر دتا۔ تفصیل دے مطابق پاکستان نوں ویسٹ انڈیز خلاف پہلے ٹی 20میچ وچ 6وکٹاں توں فتح نصیب ہوئی، سرفراز احمد دی کپتانی وچ پاکستانی ٹیم نے لگاتار 5ویں میچ وچ کامیابی حاصل کیتی۔ اوہناں نے کپتان دے طور اُتے اپنے پہلے میچ وچ انگلینڈ نوں ہرایا تے فیر ویسٹ انڈیز خلاف 3ٹی ٹونٹی میچاں دی سریز وچ کلین سویپ کیتا تے ہن ایتوار نوں کھیڈے گئے میچ وچ وی جت پاکستان دا مقدر بنی۔
پاکستان دے میچ جتدے نال ای سرفراز احمد نے ٹی ٹونٹی کپتان دی حیثیت نال پہلے 5میچ جتن دا مصباح الحق دا ریکارڈ برابر کر دتا اے۔ چیتے رہوے کہ سابق سری لنکن کپتان کمار سنگاکارا نے وی بطور ٹی ٹونٹی کپتان اپنے پہلے 5جتے سن۔
