شاہد آفریدی دے اعلان مگروں کپتان ڈیرن سیمی دا بیان وی ساہمنے آگیا

لاہور(پاکستان پوائنٹ نیوز25۔مارچ2017ء) شاہد آفریدی نے صدر تے کھڈاری دے طور اُتے پشاور زلمی دی ٹیم چھڈن دا اعلان کر کے ساریاں نوں حیران کر دِتا اے۔ ایس حوالے نال پشاور زلمی دے کپتان ڈیرن سیمی نے وی سوشل میڈیا اُتے اپنے دل دی گل آکھ چھڈی۔تفصیل دے مطابق بوم بوم شاہد آفریدی ولوں پشاور زلمی چھڈن دا اعلان ڈیرن سیمی تک اک پرچا کارر راہیں پہنچیا۔ ڈیرن سیمی نے ایس بارے اطلاع ملدی ای حیرانی دا وکھالا کردے ہوئے ٹویٹ کیتا کہ ’کیہ؟ ایہ کدوں ہویا؟ڈیرن سیمی دے ایس ٹویٹ دے کُجھ چر مگروں ای آفریدی نے اپنے آفیشل ٹوئٹر اکاﺅنٹ اُتے پشاور زلمی چھڈن دا اعلان کیتا، جواب وچ ڈیرن سیمی نے آکھیا کہ ’دوست تیرا ساڈے نال کھیڈنا بڑی ای خشی قسمتی دی گل سی، پر میں بہت دُکھی آں کہ توں پشاور زلمی چھڈ کے جا رہیا اے۔