پاکستان نوں کرکٹ وچ عالمی چمپیئن بنے 25ورھے بیت گئے، یاداں اج وی تازا

پاکستان نوں کرکٹ وچ عالمی چمپیئن بنے 25ورھے بیت گئے، یاداں اج وی تازا

لاہور(پاکستان پوائنٹ نیوز25۔مارچ2017ء) پاکستان نوں پہلی وار عالمی چیمپئن بنے اج 25 ورھے بیت گئے، 1992دے ایونٹ وچ قومی ٹیم نے بڑےاں اوکڑاں دا ساہمنا کیتا۔ تفصیل دے مطابق25مارچ 1992اوہ خش قسمت دن سی جدوں پاکستان کرکٹ دا دفاع ممکن بنیا، میلبورن دے تواریخی میدان وچ کرکٹ دی موڈھی ٹیم انگلینڈ نوں فائنل وچ پاکستان نے22سکور توں ہرایا، انجری ہون مگروں وی کپتان عمران خان نے جاوید میانداد نال بیٹنگ کیتی تے 72سکور کر کے قومی ٹیم دی پوزیشن بہتر بناندے ہوئے انگلینڈ نوں 250سکور دا ٹارگٹ دتا، مشتاق احمد نے 41سکور دے بدلے 3مہرے کھسکائے پر اصل کم سوئنگ کنگ وسیم اکرم دی سپر باﺅلنگ نے وکھایا، اوہناں نے ایلن لیمب نوں آﺅٹ سوئنگ اُتے بولڈ کیتا تے فیر کرس لوئیں خطرناک ان سوئنگ بال دا نشانا بنے جہدے نتیجے وچ میچ دا پاسا پلٹ گیا تے پاکستان نے تواریخ وچ پہلی وار ورلڈ کپ جت لیا۔

عمران خان نے ورلڈ کپ جتن دا خاب پورا ہوندے ای کرکٹ نوں چھڈ دتا۔